"Милан" ҳимоячиси Давиде Бартезаги Лондоннинг "Арсенал" клубига ўтиши мумкин. Бу ҳақда La Gazzetta dello Sport нашри хабар бермоқда.
Манбага кўра, "канонирлар" 19 ёшли италиялик футболчини ўз сафига қўшиб олишга катта қизиқиш билдирмоқда. Жорий мавсумда Бартезаги "Милан"нинг асосий таркибига мустаҳкам ўрнашиб олди, аммо "Арсенал"га ўтган тақдирда унга ҳеч ким ҳеч нарса кафолатламайди. Инглиз клубида Бартесаги таркиб учун рақобатлашишига тўғри келади.
Жорий мавсумда ҳимоячи барча мусобақаларда 13 та ўйинда майдонга тушиб, 2 та гол урди ва 1 та голли узатмани амалга оширди.
Transfermarkt портали мутахассислари Бартезагининг нархини 18 миллион еврога баҳоламоқда.
