Дарвозабон Жоан Гарсия "Эспаньол"дан "Барселона"га кетганидан кейин жуда яхши мослашди, ҳатто клуб кутганидан ҳам яхшироқ, дея хабар берди Mundo Deportivo.
Нашрнинг ёзишича, у жуда камгап одам, уйда ўтиришни яхши кўради ва имкон бўлиши билан дам олиш учун тоққа чиқиб кетади.
Ҳозирда 24 ёшли Жоаннинг зарба қайтариш фоизи 80,6 фоизни ташкил этади, бу Куртуага қараганда 5 фоизга юқори.
"Барселона" Гарсия учун 25 миллион евро сарфлади. Жоан жорий мавсумда барча турнирларда 15 та ўйинда 14 та гол ўтказиб юборди ва 6 бор дарвозаси дахлсизлигини сақлаб қолди.
