"Барселона" ва "Ювентус" Маркос Сенесига қизиқиш билдираётган клублар сирасига киради. Гап "Борнмут" марказий ҳимоячиси ҳақида кетмоқда. 28 ёшли аргентиналик футболчига "Барселона" ва "Ювентус" клублари қизиқиш билдираётгани ҳақида таниқли журналист Фабрицио Романо ижтимоий тармоқларда ёзмоқда.
Сенесининг "Борнмут" билан амалдаги шартномаси 2025/2026 йилги мавсум охиригача мўлжалланган. Шу тариқа, келаси ёзда аргентиналик ҳимоячини эркин агент сифатида ўз сафига қўшиб олиш мумкин бўлади.
Эслатиб ўтамиз, нуфузли Transfermarkt портали мутахассислари Маркос Сенесини 22 миллион еврога баҳоламоқда.
"Борнмут" айни дамда АПЛ жадвалида 15-ўринда бормоқда.
