«Барселона» вингери Ламин Ямаль 2025/2026 йилги мавсумда бешта етакчи лигадаги барча футболчилар орасида энг кўп дриблинг уринишларини амалга оширди. WhoScored маълумотларига кўра, у жами 153 та дриблинг уринишини бажариб, шулардан 78 тасини муваффақиятли якунлаган.
Ямаль 2023 йил июлидан буён «Барселона» сафида тўп суради. 2025 йил ёзида клуб билан шартномаси 2031 йилгача узайтирилгани маълум бўлди.
Жорий мавсумда Испания Ла Лигасида вингер барча мусобақалар доирасида 20 та учрашувда майдонга тушиб, 9 та гол урди ва 11 та голли узатма амалга оширди. Transfermarkt портали маълумотларига кўра, футболчининг бозор қиймати 200 миллион еврога тенг.
«Барселона» чемпионат турнир жадвалида 46 очко билан биринчи ўринни эгаллаб турибди. Жамоанинг Мадриднинг «Реал» клубидан устунлиги 4 очкони ташкил этмоқда.













