Лондоннинг "Челси" клуби 2026 йилнинг ёзида "Астон Вилла"ни тарк этиши мумкин бўлган ҳужумчи Морган Рожерс хизматига қизиқиш билдирмоқда. Бу ҳақда инсайдер Фабрицио Романо ижтимоий тармоқларда маълум қилди.
Манбага кўра, яқинда "Астон Вилла" билан янги шартнома имзолаганига қарамай, футболчининг клубни тарк этиши эҳтимоли сақланиб қолмоқда. Бир нечта етакчи жамоалар унинг ўйинларини кузатишда давом этмоқда. "Челси" Рожерс номзодини ўтган ёзда кўриб чиққан, аммо қизиқиш расмий таклиф даражасига кўтарилмаган эди. Рожерс 2026 йилнинг январида клубни тарк этмаслиги аниқ, аммо ёзги трансферлар ойнаси очилиши билан кўплаб вариантлар бўлиши мумкин.
Эътиборлиси, "Астон Вилла" АПЛнинг 17-турида "Манчестер Юнайтед" устидан 2:1 ҳисобида ғалаба қозонди. Морган Рожерснинг дубли жамоа учун ҳал қилувчи аҳамиятга эга бўлди ва у 1998 йилдан бери Бирмингем клубининг кетма-кет иккита ўйинда камида иккита гол урган биринчи футболчисига айланди.
