Таниқли инсайдер Фабрицио Романо "Борнмут" вингери Антуан Семеньонинг "Ливерпул"га ўтишини истисно қилмаяпти.
Яқинда 25 ёшли футболчининг "Манчестер Сити"га ўтиш нияти ҳақида янгиликлар пайдо бўлди. Бироқ, Романо таъкидлаганидек, мерсисайдликлар ноябрь ойидан бери футболчининг атрофидагилар билан алоқада бўлиб келишган ва уни сотиб олишга қизиқиш билдиришмоқда.
Ганалик футболчига яқин манбалар унинг "Сити"га қўшилиш истагини тасдиқламоқда, аммо келишув ҳали якунланмаган.
"Кўрамиз, "Ливерпуль" Семеньони сўнгги дақиқада сотиб олишга қарор қиладими ёки йўқми. "Манчестер Сити" кутилмаган бурилишлардан қочиш учун трансферни тезда якунламоқчи", деб изоҳ берди Романо.
