Taniqli insayder Fabrisio Romano "Bornmut" vingeri Antuan Semenyoning "Liverpul"ga o‘tishini istisno qilmayapti.
Yaqinda 25 yoshli futbolchining "Manchester Siti"ga o‘tish niyati haqida yangiliklar paydo bo‘ldi. Biroq, Romano ta’kidlaganidek, mersisaydliklar noyabr oyidan beri futbolchining atrofidagilar bilan aloqada bo‘lib kelishgan va uni sotib olishga qiziqish bildirishmoqda.
Ganalik futbolchiga yaqin manbalar uning "Siti"ga qo‘shilish istagini tasdiqlamoqda, ammo kelishuv hali yakunlanmagan.
"Ko‘ramiz, "Liverpul" Semenyoni so‘nggi daqiqada sotib olishga qaror qiladimi yoki yo‘qmi. "Manchester Siti" kutilmagan burilishlardan qochish uchun transferni tezda yakunlamoqchi", deb izoh berdi Romano.
