Франциянинг "Монако" клуби нигериялик истеъдодли футболчи Жорж Иленикенани сотишга тайёр. Кўпчилик уни келажакдаги Виктор Осимхен деб билаётган 19 ёшли ҳужумчи учун йигирма миллион евродан ортиқ тўлашга рози бўлган харидор топилса, клуб уни сотмоқчи.
Нуфузли инсайдер Экрем Конур вазиятни шундай баҳолади. Италиянинг "Рома" ва "Фиорентина", шунингдек, Германиянинг "Байер", "Штутгарт" ва "Айнтрахт" клублари ушбу трансферга қизиқиш билдириши мумкин. Бундан ташқари, Испаниянинг "Вильярреал" клуби ҳам футболчига эътибор қаратаётгани маълум бўлмоқда.
Эслатиб ўтамиз, нигериялик футболчи 2024 йилнинг ёзида Монте-Карлога ўтган ва у учун қарийб 19 миллион евро тўланган эди. Жорий мавсумда у Франция чемпионатида "Монако" сафида иккита гол урди.
