Мадриднинг "Реал" клуби ва Франция терма жамоаси юлдуз ҳужумчиси Килиан Мбаппе Африка Миллатлар Кубоги ўйини учун Марокашга етиб келди.
L’Equipe нашри тарқатган хабарга кўра 27 ёшли форвард 26 декабрь куни бўлиб ўтадиган Африка Миллатлар кубоги 2-туридан ўрин олган Марокаш - Мали учрашувига бориш учун Работ шаҳрига етиб келган.
Қайд этилишича, Килиан Марокашга ташриф буюриш учун "ПСЖ"даги собиқ жамоадоши Ашраф Ҳакимдан таклифнома олган, француз у билан яқин алоқада бўлиб турибди.
Мбаппе бутун оиласи билан: укаси Итан, шунингдек, ота-онаси билан Марокашга йўл олди.
Манбага кўра, Килиан 29 декабрга қадар Работда бўлади, шундан сўнг "Реал" билан машғулотларни давом эттириш учун Испанияга қайтади.
