"Ливерпуль" ҳужумчиси Александер Исак жароҳат олгач, зудлик билан янги форвард қидирмоқда. Швециялик футболчи тўпиғидан олган жароҳати ва кичик болдир суягининг синиши туфайли камида 2 ой майдонга туша олмайди.
Исак ўрнига янги номзод - "Атлетико"нинг норвегиялик 30 ёшли ҳужумчиси Александр Сёрлот. Radio Marca нашри хабарига кўра, клуб форвард учун 30 млн евро олмоқчи.
Серлот "Вильярреал"дан кейин 2024 йилдан бери "Атлетико" шарафини ҳимоя қилмоқда. Ҳужумчи бу мавсумда мадридликлар сафида 29 та ўйинда майдонга тушиб, 9 та гол урди ва 1 та голли узатмани амалга оширди.
