Қозоғистоннинг Sports.kz  сайти томонидан ҳар ойда ўтказиладиган "Олмос" совринининг июль ойи сўровномаси натижалари эълон қилинди. Пермьер-лига клублари бош мураббийлари ва футболчилари томонидан ўтказилган сўровда Темур Кападзе 5-ўринни эгаллади.

"Актобе" футболчисига сўровнома иштирокчилари 1та биринчи, 1та иккинчи ва 1та учинчи ўринни беришди. Натижада унинг ҳисобида 6 очко тўпланди. "Тараз" футболчиси Рамиль Нурмуҳамметов ҳамюртимизни энг юқори ўринга қўйган. Шунингдек, Темур Кападзе Премьер-лиганинг июль ойидаги энг яхши легионери деб топилди.

Улуғбек Бақоев эса 5 очко билан 7-ўринни қўлга киритди. Уга "Иртиш" бош мураббийи 1-ўринни берган бўлса, "Тобол" ҳужумчиси Жумаскалиев собиқ жамоадошини 2-ўринда кўрсатган. Улуғбек легионерлар танловида 2-ўринни олди.

"Олмос" танловида "Шахтёр" дарвозабони Александр Мокин 28 очко билан 1-ўринни эгаллади. Мазкур посбон ЕЧЛ саралаш баҳсларида дарвоза дахлсизлигини сақлаб қола олди. "Актобе" футболчиси Марат Хайруллин эса 16 очко билан иккинчи, "Тобол" ҳужумчиси Нурбол Жумаскалиев 8 очко билан учинчи бўлишди.