"Ювентус" сафида марказий ярим ҳимоячи сифатида тўп тепаётган Кефрен Тюрам Турин клубидаги ҳиссиётлари билан ўртоқлашди.
"Ювентус" - Италиядаги энг яхши клуб, дунёдаги энг яхшиларидан бири. "Ювентус" - бу сенинг ҳаётни ҳис қилишинг. "Юве"да сен ғалаба қозониш учун ўйнайсан. Бир ярим йилдан бери шу ердаман ва буни ҳар куни кўряпман," - дея футболчининг сўзларини келтиради DAZN.
Тюрам 2024 йилнинг ёзида "Ювентус" сафини тўлдирди. У Италияга "Ницца"дан кўчиб ўтган. Туринликлар сафида франциялик хавбек 71 та учрашувда 6 та гол урди ва 10 та голли узатмани амалга оширди.
