"Манчестер Юнайтед" клуби ҳужумкор ярим ҳимоячиси Мэйсон Маунт Англия терма жамоасига кириш имкониятлари ҳақида гапирди. Ёзда "уч шерлар" жаҳон чемпионатида иштирок этади.

"Мен доим ҳамма нарса клубдан бошланишини айтаман. Агар клубда яхши ўйнасангиз, унда терма жамоага кириш имкониятига эга бўласиз. Агар ўйинларда ғалаба қозониб, жадвалда юқорилаб борсак, терма жамоага қайтиш имконияти ҳар доим бўлади. Албатта, мен Тухелни биламан, унинг қандай ишлашини биламан. Терма жамоага кириш учун қўлимдан келганини қиламан," - деди Маунт Sky Sports нашрига.

Маунт Англия терма жамоаси сафида охирги марта 2022 йилнинг декабрида - Жаҳон чемпионатида ўйнаган.