Лондоннинг "Арсенал" клуби бош мураббийи Микель Артета германиялик ҳужумчи Кай Хаверцнинг тикланиш муддати ҳақида фикр билдирди.
Ҳужумчи АПЛ 1-турида "Манчестер Юнайтед"га қарши ўйинда жароҳатланган эди. Артета футболчининг яқин кунларда сафга қайтишини маълум қилди.
"Бу ҳафталар эмас, кунлар масаласи [Хаверцнинг қайтиши]. Кейинги босқичларда у ўзини қандай ҳис қилишини кузатамиз. Кай - бизга жуда керак бўлган, жамоани мутлақо янги босқичга олиб чиқадиган ўйинчи," - дея Артетанинг сўзларини журналист Фабрицио Романо келтирди.
Хаверц 2023 йилдан бери "канонирлар" сайида ўйнамоқда. Ўтган мавсумда форвард АПЛда 23 та ўйинда майдонга тушиб, 9 та гол урди.
