Мадриднинг "Реал" клуби собиқ футболчиси, ҳозирда "Байер" шарафини ҳимоя қилаётган Лукас Васкес "қироллик клуби"даги вазиятга изоҳ берди.
Июнь ойида "қаймоқранглилар" бош мураббийи лавозимини "Байер"да муваффақиятли ишлаган Хаби Алонсо эгаллади.
"Алонсо - "Байер" афсонаси, у бу ерда ақл бовар қилмайдиган чўққиларни забт этди. Энди бу тарихнинг бир қисми.
Албатта, "Реал"да бўлаётган воқеалар барчанинг кўз ўнгида, биз бу ҳақда гапирамиз, аммо ҳозир клуб ўтиш даврини бошдан кечираётганини футбол оламидаги барча тушуниб турибди. Кўп ўзгаришлар бўлди, шунинг учун сабр қилиш ва ажойиб футболчилар ва мураббийга бўлган ишончни сақлаб қолиш керак," - дея Васкеснинг сўзларини келтиради Diario AS.
"Реал" Ла Лига турнир жадвалида 18-турдан кейин 2-ўринда бормоқда. "Барселона" билан орадаги фарқ 4 очкони ташкил этмоқда.
