"Барселона" дарвозабони Марк-Андре тер Штеген жаҳон чемпионати учун жамоадан кетмоқчи эмас.
"Кўк-анорранглилар" сардори асосий таркибдаги ўрнини йўқотди, шунинг учун унинг ЖЧ-2026 олдидан Германия терма жамоасига қайтиши сўроқ остида турибди. Дарвозабон бўлажак мундиалда иштирок этиш ғоясига муккасидан кетгани йўқ: у "ўз даражасига мос келадиган клублар"дан жозибадор таклифлар олмаса, "Барселона"да муаммосиз қолади, ҳатто захира футболчиси мақомида ҳам, деб ёзади журналист Адриа Албетс. Ҳозирча 33 ёшли футболчида фаолиятини давом эттириш бўйича бундай вариантлар юзага келмади.
Декабрь ойида Марк-Андре тер Штеген ёзда белидан олган жароҳатидан кейин сафга қайтди.
