Лондоннинг "Челси" клуби бош мураббийи Энцо Мареска Англия премьер-лигасининг 18-туридан ўрин олган "Астон Вилла"га қарши ўйин олдидан жамоаси таркиби бўйича долзарб маълумотларни тақдим этди.
Мутахассис ўйинолди матбуот анжуманида ҳимоячи Йоррел Хато бўлажак ўйинда иштирок эта олмаслигини маълум қилди. Футболчи "Ньюкасл"га қарши ўтган ўйин олдидан чигилёзди машқлари пайтидаёқ жароҳат олганди.
Шу билан бирга, Жейми Гиттенс лондонликлар ихтиёрига қайтди. Аввалроқ ҳужумчининг елкасида муаммолар кузатилганди, бироқ барча тиклаш ишлари муваффақиятли якунланди. Гиттенс керакли жисмоний тайёргарликка эга ва майдонга тушишга тайёр.
"Челси" - "Астон Вилла" учрашуви бугун, 27 декабрь куни бўлиб ўтади.
