Мадриднинг "Реал" клуби украиналик дарвозабони Андрей Лунин келаси ёзда жамоасини ўзгартирмоқчи.

ElNacional.cat хабарига кўра, 26 ёшли футболчи Тибо Куртуа билан рақобат туфайли барқарор ўйин амалиётига эга бўлмаётгани сабабли янги жамоа излашни бошлаган.

Лунин ўз режалари ҳақида "қаймоқранглилар" президенти Флорентино Перес ва бош мураббий Хаби Алонсога маълум қилиб, клубга ўтишда қўллаб-қувватлашларига умид қилган.

Жорий мавсумда украиналик футболчи "Реал" сафида иккита ўйинда майдонга тушиб, бешта гол ўтказиб юборди. Луниннинг шартномаси 2030 йилгача амал қилади.