Африка Миллатлар Кубоги гуруҳ босқичининг 2-турида Сенегал ва Конго ДР терма жамоалари 1:1 ҳисобида дуранг ўйнади.

Конго ДР терма жамоаси 61-дақиқада Седрик Бакамбу томонидан киритилган гол эвазига олдинга ўтиб олди. Сенегалликлар орадан 8 дақиқа ўтиб Садио Маненинг голи эвазига жавоб тўпини киритишди.

Икки турдан сўнг Сенегал (4) D гуруҳида пешқадамлик қилмоқда. Конго ДР эса 4 очко билан қўшимча кўрсаткичлар бўйича ортда қолиб, иккинчи ўринда бормоқда.

Гуруҳли турнирнинг сўнгги турида Сенегал терма жамоаси Бенин билан, Конго ДР эса Ботсвана билан куч синашади. Ҳар икки ўйин 30 декабрь куни бўлиб ўтади.

Сенегал - Конго ДР - 1:1

27 декабрь, 20:00. Tagier Grand Stadium (Танжер)

Голлар: Бакамбу, 61 (0:1). Мане, 69 (1:1)

Сенегал: Менди, Кулибали, Ниакате, Якобс, Диатта, И.Г. Гей, П. Гей (Камара, 82), Ндиай (Сабали, 89), Мане, Сарр (Мбай, 62), Джексон (Диалло, 82)

Конго ДР: Мпаси-Нзау, Туанзебе, Мбемба, Масуаку (Ж. Кайембе, 73), Ван-Биссака, Мутуссами, Мукау (Э. Кайембе, 73), Садики, Элиа (Баликвиша, 87), Бонгонда (Мбюкю, 66), Бакамбу (Майеле, 66)

Огоҳлантиришлар: П. Гей, 28