Британиялик телебошловчи Пирс Морган Криштиану Роналдунинг Саудия Арабистони чемпионатидаги навбатдаги сермаҳсул ўйини ҳақида фикр билдирди.
"Ан-Наср" форварди "Ал-Оҳдуд"га қарши кечган баҳсда рақиб дарвозасини икки бор ишғол қилди. Морганнинг таъкидлашича, футболчи қаерда ўйнашидан қатъи назар, мунтазам равишда гол уришда давом этмоқда.
- У ҳеч қачон гол уришдан тўхтамайди. Дунёнинг исталган нуқтасида, исталган жамоа учун, - деб ёзди Морган.
Унинг қўшимча қилишича, тарихдаги энг буюк футболчи ҳақидаги баҳслар давом этиши мумкин, аммо энг сермаҳсул ва барқарор тўпурар масаласида у шубҳа қилмайди.
