Catalunya Radio хабарига кўра, "Барселона" президенти Жоан Лапорта Андрес Кристенсен билан шартномани узайтириш имкониятини кўриб чиқмоқда.
Ҳимоячининг ҳозирги келишуви келаси ёзда тугайди. Бир ҳафта олдин данияликда хочсимон боғламнинг қисман йиртилиши ташхиси қўйилган, у бир неча ойга сафдан чиққан.
Таъкидланишича, футболчи текширув натижаларидан хабар топгач, қаттиқ руҳий тушкунликка тушган. Шундай қилиб, Лапорта футболчини тикланганидан сўнг дарҳол шартномасиз қолдирмаслик учун уни қўллаб-қувватлашга қарор қилди. Клуб Андреасга маоши камайтирилган қисқа муддатли шартнома таклиф қилиши мумкин - эҳтимол яна бир мавсумга.
Кристенсен жорий мавсумда 513 дақиқа майдонда ҳаракат қилди ва 1 та гол урди.
