"Челси" бош мураббийи Энцо Мареска чап қанот ҳимоячиси Марк Кукурельянинг ҳолати ҳақида гапирди.
Испаниялик футболчи "Астон Вилла"га қарши шанба кунги ўйиннинг 69-дақиқасида жароҳат олганликда гумон қилиниб, захирага олинган эди. Учрашув якунлангач, журналистлар "кўклар" бошқарувидан муаммо қанчалик жиддий эканини сўрашди.
"Кукурелья тизза ости пайидаги ноқулайликдан шикоят қилди. Бу жароҳатми ёки йўқми, ҳозирча билмаймиз," - дея жавоб берди Мареска ўйиндан кейинги интервьюсида.













