Африка миллатлар кубогининг гуруҳ босқичи 2-турида Нигерия ва Тунис терма жамоалари ўртасида бўлиб ўтди. Беллашувда Нигерия 3:2 ҳисобида ғалаба қозонди.

Учрашувнинг 44-дақиқасида Виктор Осимхен Нигерияни олдинга олиб чиқди. 50-дақиқада Онинье Ндиди жамоа устунлигини икки бараварга оширди, 67-дақиқада эса Адемола Лукман нигерияликларнинг учинчи голини киритди.

74-дақиқада Монтассар Тальби Туниснинг илк голини урди. 87-дақиқада Али Абди пенальтини аниқ амалга ошириб, ҳисобдаги фарқни минимумга туширди — 2:3.

Ушбу ўйиндан сўнг Нигерия 6 очко билан C гуруҳи турнир жадвалида пешқадам бўлиб турибди. Тунис эса 3 очко билан иккинчи ўринда жойлашган.

2025 йилги Африка миллатлар кубоги Марокашда ўтказилмоқда. Мусобақада олти гуруҳга бўлинган 24 та миллий терма жамоа иштирок этмоқда. Турнир 18 январга қадар давом этади. Африка миллатлар кубогининг амалдаги ғолиби — Кот-д’Ивуар терма жамоаси.

Африка миллатлар кубоги. C гуруҳи. 2-тур
27 декабрь 2025 йил, шанба.
Нигерия — Тунис — 3:2
Голлар: 1:0 — Осимхен (44), 2:0 — Ндиди (50), 3:0 — Лукман (67), 3:1 — Тальби (74), 3:2 — Абди (87, пенальти)