"ПСЖ"нинг юлдуз хавбеки Витинья Қитъалараро кубокнинг энг яхши футболчиси совринини россиялик дарвозабон Матвей Сафоновга беришга тайёрлигини маълум қилди.
"Керак бўлса, совринимни Матвейга беришга тайёр эдим. Бироқ, у ўйиннинг энг яхши футболчиси деб топилди. Шунинг учун мен турнирнинг энг яхши футболчиси совринини ўзимда қолдирдим," - дея португалиялик ярим ҳимоячининг сўзларини келтиради A Bola.
"ПСЖ" - "Фламенго" учрашуви 1:1 ҳисобида дуранг билан якунланди. Ўйиндан кейинги 11 метрлик жарималар сериясида парижлик футболчилар аниқроқ бўлишди - 2:1. Бразилия жамоаси футболчилари томонидан бир йўла тўртта пенальтини қайтарган Сафонов ўйин қаҳрамонига айланди.
