Лондоннинг "Челси" клуби ҳимоячиси Рис Жеймс фантастик мавсумни ўтказмоқда. Буни голлар статистикаси ҳам тасдиқлайди.
Англия премьер-лигасининг жорий мавсумида Жеймс "Челси"нинг 6 та голида (2 та гол ва 4 та ассист) иштирок этди. Бу унинг олдинги уч мавсумдаги умумий кўрсаткичлари билан бир хил (45 ўйинда 2 гол ва 4 голли узатма).
Жеймс Англия чемпионатининг ўтган турида "Астон Вилла"га қарши ўйинда голли узатмани амалга оширди.
"Челси" 18 турдан сўнг Премьер-лига турнир жадвалида 29 очко билан бешинчи ўринда бормоқда.
