Лондоннинг "Тоттенхэм" клуби раҳбарияти жамоа ҳимоячиси Микки ван де Вен билан меҳнат шартномасини узайтирмоқчи. Бу ҳақда TEAMtalk хабар бермоқда.
Манбага кўра, "шпорлар" янги йилдан кейин футболчи билан музокаралар жараёнини тезлаштирмоқчи. Айни вақтда нидерландиялик ҳимоячи йилига 5,4 млн евро атрофида маош олади. Таъкидланишича, ван де Вен ўз маошини икки баравар оширишни кутмоқда.
Бу мавсумда 24 ёшли ван де Вен барча мусобақаларни инобатга олган ҳолда 23та ўйинда майдонга тушиб, 6та гол урди.
Ҳимоячининг "Тоттенхэм" билан амалдаги меҳнат шартномаси 2029 йилнинг ярмигача мўлжалланган. Transfermarkt экспертлари футболчининг нархини 65 млн еврога баҳоламоқда.
