"Манчестер Сити" ҳужумчиси Райан Шерки Англия Премьер-лигасининг 2025/26 йилги мавсумида 10тадан ортиқ голли вазият яратган илк футболчига айланди. Шунингдек, у еттита голли узатмани амалга ошириб, ўйиндан голли узатма бериш бўйича рекорд ўрнатди, бу лиганинг барча ўйинчилари орасида энг яхшисидир. Бу ҳақда Squawka таҳлилий портали хабар бермоқда.
АПЛнинг 18-туридан ўрин олган 27 декабрь кунги баҳсда Шерки "Ноттингем Форест"га қарши ўйиннинг 83-дақиқасида ғалаба тўпини киритди. Натижада "Манчестер Сити" 2:1 ҳисобида ғалаба қозонди.
Хосеп Гвардиола жамоаси 18 ўйиндан сўнг 40 очко билан АПЛ турнир жадвалида 2-ўринда бормоқда. Унда Лондоннинг "Арсенал" клуби 42 очко билан пешқадамлик қилмоқда.
