"Реал"нинг 18 ёшли вингери Франко Мастантуоно клубда қоладиган бўлди. Бу ҳақда инсайдер Фабрицио Романо ижтимоий тармоқдаги саҳифасида маълум қилди.
Манбага кўра, Мастантуоно январь ойида ижарага кетиши мумкинлиги ҳақидаги барча хабарлар ҳақиқатга тўғри келмайди. "Реал" раҳбарияти ва жамоа бош мураббийи Хаби Алонсо аргентиналик футболчини бўлажак лойиҳанинг асосий қисми деб ҳисобламоқда.
"Реал" Мастантуонони жорий йилнинг август ойида сотиб олган эди. Ўшандан бери у барча турнирларда 14 та ўйинда майдонга тушиб, битта гол урди ва битта голли узатмани амалга оширди.
Мастантуононинг "қаймоқранглилар" билан амалдаги меҳнат шартномаси 2031 йилгача мўлжалланган.
