"Ноттингем Форест"нинг 23 ёшли ярим ҳимоячиси Жеймс Макэйтига "Лидс" ва "Челси" қизиқиш билдирмоқда. Бу ҳақда Daily Mail хабар берди.
Манбага кўра, "кўклар" бош мураббийи Энцо Мареска "Манчестер Сити"даги фаолияти орқали таниган англиялик футболчининг ўйинига қойил қолмоқда. Макэйти "Ноттингем Форест"га ўтган ёзда "шаҳарликлар" таркибидан 30 млн фунтгача бўлган маблағ эвазига ўтган.
Ярим ҳимоячи "Манчестер Сити" тарбияланувчиси ҳисобланади. "Шаҳарликлар"нинг катталар жамоаси таркибида у барча турнирларда 34 та ўйинда майдонга тушиб, еттита гол урган. Transfermarkt порталида келтирилган маълумотларга кўра, футболчининг бозор нархи 23 млн еврони ташкил этади.
