"ПСЖ" клуби ва Марокаш терма жамоаси қанот ҳимоячиси Ашраф Ҳакимий "Реал" форварди Килиан Мбаппенинг Африка Кубоги ўйинига ташрифи ҳақида фикр билдирди.
Ҳакимийнинг собиқ жамоадоши Мали терма жамоасига қарши ўйинга (1:1) марокашлик футболчининг фамилияси туширилган футболкани кийиб ташриф буюрди.
"Мбаппени бу ерда, Марокашда кўриш ёқимли эди. У бизнинг мамлакатимизни севади! Унга бизнинг ўйинимиз ёқди ва биз Африка Кубогида ғалаба қозонишимиз аниқлигини айтди," - деди ҳимоячи ўйиндан кейин.
Африка Миллатлар Кубогининг 2-туридан кейин Марокаш терма жамоаси ўз гуруҳида 1-ўринни эгаллаб турибди. Жамоа ҳисобида 4 очко мавжуд.
