"Манчестер Юнайтед" ҳимоячиси Эйден Хевен келаси ёзда жаҳон чемпионатида иштирок этиш учун спорт фуқаролигини Англиядан Ганага ўзгартирмайди.
Лондонда туғилган 19 ёшли футболчи бобоси орқали Гана терма жамоасида ўйнаш ҳуқуқига эга ва Гана футбол ассоциацияси унинг ривожланишини диққат билан кузатиб борди. Шу билан бирга, ганаликлар 2026 йилда АҚШ, Канада ва Мексикада бўлиб ўтадиган жаҳон чемпионатида Англия, Хорватия ва Панама билан бир гуруҳдан жой олди.
Хевен катталар даражасида Англия шарафини ҳимоя қилмоқчи. У аллақачон турли ёшдаги Англия терма жамоаларида ўйнаган.
Октябрь ойида ҳимоячи Англия U20 терма жамоасининг Швейцарияга қарши ўйинида тўпиғидан жароҳат олди, танаффусда алмаштирилди ва ноябрь ойида Япония терма жамоасига қарши ўйин қайдномасига киритилмади.
19 ёшли футболчи жорий мавсум АПЛда 7 та ўйинда майдонга тушди ва 1 та голли узатмани амалга оширди.
