"Интер" Италия чемпионатининг 17-турида сафарда "Аталанта"ни мағлуб этди - 1:0.
Ягона голни 65-дақиқада аргентиналик ҳужумчи Лаутаро Мартинес киритди. 35-дақиқада VAR текширувидан сўнг "Интер"нинг франциялик форварди Маркус Тюрамнинг голи инобатга олинмади (офсайд).
"Аталанта" барча турнирлардаги учта ғалабадан иборат сериясини тўхтатди. 17 ўйинда 22 очко тўплаган бергамоликлар А Серия турнир жадвалида 10-ўринда бормоқда. "Интер" 16 ўйинда 36 очко тўплаб, 1-ўринга кўтарилиб олди.
Кейинги турда "Аталанта" 3 январь куни "Рома"ни қабул қилади. "Интер" 4 январь куни ўз майдонида "Болонья"га қарши баҳс олиб боради.
Аталанта - Интер - 0:1
29 декабрь, 01:00. Атлети Адзурри д'Италия (Бергамо)
Голлар: Мартинес, 65 (0:1)
Аталанта: Карнесекки, Хин, Колашинац (Самарджич, 75), Джимсити, Эдерсон, де Рон, Залевски (Бернаскони, 65), Дзаппакоста (Муса, 46), Пашалич (Сулемана, 58), Де Кетеларе, Скамакка
Интер: Зоммер, Аканджи, Бастони, Биссек, Зелиньски (Фраттези, 84), Хакан Чалханоглу, Барелла (Карлос Аугусту, 76), Димарко (Мхитарян, 76), Луис Энрике, Тюрам (Эспозито, 64), Мартинес (Диуф, 83)
Огоҳлантиришлар: Колашинац, 19. Сулемана, 80 - Бастони, 77
