"Inter" Italiya chempionatining 17-turida safarda "Atalanta"ni mag‘lub etdi - 1:0.
Yagona golni 65-daqiqada argentinalik hujumchi Lautaro Martines kiritdi. 35-daqiqada VAR tekshiruvidan so‘ng "Inter"ning fransiyalik forvardi Markus Tyuramning goli inobatga olinmadi (ofsayd).
"Atalanta" barcha turnirlardagi uchta g‘alabadan iborat seriyasini to‘xtatdi. 17 o‘yinda 22 ochko to‘plagan bergamoliklar A Seriya turnir jadvalida 10-o‘rinda bormoqda. "Inter" 16 o‘yinda 36 ochko to‘plab, 1-o‘ringa ko‘tarilib oldi.
Keyingi turda "Atalanta" 3 yanvar kuni "Roma"ni qabul qiladi. "Inter" 4 yanvar kuni o‘z maydonida "Bolonya"ga qarshi bahs olib boradi.
Atalanta - Inter - 0:1
29 dekabr, 01:00. Atleti Adzurri d'Italiya (Bergamo)
Gollar: Martines, 65 (0:1)
Atalanta: Karnesekki, Xin, Kolashinas (Samardjich, 75), Djimsiti, Ederson, de Ron, Zalevski (Bernaskoni, 65), Dzappakosta (Musa, 46), Pashalich (Sulemana, 58), De Ketelare, Skamakka
Inter: Zommer, Akandji, Bastoni, Bissek, Zelinski (Frattezi, 84), Xakan Chalxanoglu, Barella (Karlos Augustu, 76), Dimarko (Mxitaryan, 76), Luis Enrike, Tyuram (Espozito, 64), Martines (Diuf, 83)
Ogohlantirishlar: Kolashinas, 19. Sulemana, 80 - Bastoni, 77
