"Барселона" ярим ҳимоячиси Гави майдонга қайтишининг тахминий санасини айтди.
21 ёшли футболчи август ойи охирида тиззасидаги муаммолар туфайли сафдан чиққан эди. Хавбек операцияга муҳтож бўлди - айни дамда у тикланишда давом этмоқда.
"Белгиланган муддатларга риоя қиляпман ва ҳозирча ҳаммаси жуда яхши кетмоқда. Ўйлайманки, [реабилитация бошланганидан] беш ой ўтгач, ўйнашга тайёр бўламан," - дея испанияликнинг сўзларини келтиради журналист Фернандо Поло.
Агар ҳаммаси кўнгилдагидек бўлса, Гави февраль ойидаёқ қайтиши мумкин. Жорий мавсумда футболчи "кўк-анорранглилар" сафида иккита ўйинда майдонга тушиб, битта самарали узатмани амалга оширишга муваффақ бўлди.
