"Барселона" ҳужумкор ярим ҳимоячиси Дани Ольмо Ла Лиганинг навбатдаги турида "Эспаньол"га қарши баҳсда иштирок этмаслиги кутилмоқда.
"Кўк-анорранглилар"нинг сафар дербиси 3 январь куни бўлиб ўтади. Diario Sport нашри тарқатган хабарга кўра 27 ёшли футболчи елкасидаги жароҳатидан тикланишга улгурмайди. Юлдуз испаниялик 7 январь куни бўлиб ўтадиган Испания Суперкубоги ярим финалидан ўрин олган "Атлетик" Бильбаога қарши ўйинга қадар сафга қайтишга умид қилмоқда.
Дани Ольмо Ханс-Дитер Флик жамоаси учун жорий мавсумда барча мусобақаларда 17 та ўйинда майдонга тушиб, 4 та гол ва 2 та голли узатмага муаллифлик қилди.
