"Астон Вилла" вингери Жэйдон Санчо "Манчестер Юнайтед"га қайтмайди. 25 ёшли футболчи "Вилла" сафида жорий мавсум якунига қадар ижара асосида тўп тепади.
"Қизил иблислар" аллақачон инглиз билан хайрлашиш бўйича якуний қарорга келган, дея тасдиқлайди инсайдер Фабрицио Романо. Футболчининг шартномаси келаси ёзда тугайди.
Агар режадан ташқари ҳеч нарса содир бўлмаса, июль ойида Жэйдон Санчо янги клубига эркин агент сифатида ўтиши мумкин. Эслатиб ўтамиз, манкунианликлар 2021 йилда уни Дортмунднинг "Боруссия" клубидан 85 млн еврога сотиб олганди.













