"Манчестер Юнайтед" ҳужумчиси Жошуа Зиркзее "Рома"га ўтишга тайёр.
Рим клуби 24 ёшли футболчи билан келишувга эришди, дея хабар бермоқда инсайдер Фабрицио Романо. "Бўрилар" вакиллари "Манчестер Юнайтед"га нидерландиялик футболчини маълум шартларга эришган тақдирда сотиб олиш мажбурияти билан ижарага олиш таклифини билдирган, аммо "қизил иблислар" ҳозирча бунга рози бўлмаган.
Жошуа Зиркзе жорий мавсумда Рубен Аморим жамоасининг 12 ўйинида майдонга тушиб, битта гол муаллифи бўлди. Transfermarkt порталига кўра, футболчининг нархи 25 млн еврони ташкил этади, унинг шартномаси 2029 йилгача мўлжалланган.
