"Вест Хэм" Нуну Эшпириту Сантуни истеъфога чиқариши мумкин. У клубда 3 ой олдин иш бошлаган эди.
Шанба куни "болғачилар" АПЛнинг 18-турида "Фулхэм"га (0:1) имкониятни бой беришди. Жамоа кетма-кет 7 ўйинда ғалаба қозона олмаяпти (3 дуранг ва 4 мағлубият) ва 18 ўйинда атиги 13 очко тўплаган ҳолда турнир жадвалида 18-ўринни эгаллаб турибди.
talkSPORT хабарига кўра, "Вест Хэм" агар вазият яқин орада яхшиланмаса, бош мураббийни ўзгартириш имкониятини кўриб чиқмоқда.
Нуну Эшпириту Санту сентябрь ойида "Вест Хэм"ни қабул қилиб олганди. У Грэм Поттер ўрнини эгаллаганди. Португалиялик мутахассис қўл остида жамоа 13 ўйинда атиги 2 ғалабага эришди.
