Севилья шаҳрининг "Бетис" клуби шарафини ҳимоя қилаётган испаниялик хавбек Иско тиззасидан олган жароҳати туфайли сафдан чиқди. Бу ҳақда AS хабар берди.
Журналистларга маълум бўлишича, 33 ёшли ярим ҳимоячи бир ой давомида майдонга туша олмайди. У артроскопик операцияни бошдан кечиради.
Иско Европа Лигаси умумий босқичида Нидерландиянинг "Утрехт" жамоасига қарши баҳсда жароҳат олган эди.
2025/2026 йилги мавсумда ярим ҳимоячи иккита ўйинда қатнашиб, битта голли узатмани амалга оширди. Испаниялик футболчининг "Бетис" билан меҳнат шартномаси 2028 йилнинг ярмигача мўлжалланган. Исконинг бозор нархи Transfermarkt портали томонидан тўрт миллион еврога баҳоланмоқда.
