"Бенфика" марказий ҳимоячиси Николас Отаменди қишда "Барселона"га ўтмайди.
37 ёшли футболчи "кўк-анорранглилар"нинг январдаги трансферлар ойнасидаги нишонлари қаторида тилга олинганди, аммо бундай миш-мишлар учун ҳеч қандай асос йўқ. CNN Portugal хабарига кўра, Каталония гранди аргентиналик фахрийни таклиф қилишдан манфаатдор эмас ва бошқа вариантлардан бирини танламоқда.
Николас Отамендининг "Бенфика" билан шартномаси 2026 йилнинг ўрталарида тугайди, шунинг учун январь ойида "бургутлар" сардори арзонлаштирилган нархда сотиб олиниши мумкин эди. Февраль ойида Аргентина терма жамоаси сафида жаҳон чемпиони бўлган ҳимоячи 38 ёшга тўлади.
