Франциялик мутахассис Франк Эз "Ницца" раҳбарияти билан жамоа бош мураббийлигидан кетишга келишиб олди. Бу ҳақда L’Equipe хабар бермоқда.
Эз жамоада 2024 йилдан буён ишлаб келаётганди, ўтган мавсумда "Ницца" мураббий қўл остида Лига 1 турнир жадвалида тўртинчи ўринни эгаллаган бўлса-да, айни дамда "бургутлар" 17 очко билан Франция чемпионати юқори дивизиони жадвалида 13-ўринни эгаллаб турибди.
Европа Лигаси умумий босқичида "Ницца" очко жамғармаган ҳолда сўнгги, 36-ўринда бормоқда. Қайд этилишича, жамоа бош мураббийлигига асосий номзод 2012-2016 йилларда "Ницца"да ишлаган Клод Пюэль ҳисобланади.
