"Барселона" ҳужумчи Роберт Левандовскининг клубни тарк этиши билан боғлиқ режа тузди. Бу ҳақда AS хабар бермоқда.
Манбага кўра, "кўк-анорранглилар" польшалик футболчининг ўрнига янги форвард олишга шошилмайди. "Барселона"дагилар ҳужумчи кетган тақдирда унинг ўрнини Ферран Торрес боса олишига ишонмоқда.
Роберт Левандовски 2022 йилда "Бавария"дан 45 млн евро эвазига "Барселона"га ўтганди. Ҳужумчи жорий мавсум Каталония клуби сафида 18 та ўйинда майдонга тушиб, 8 та гол урди ва 2 та голли узатмани амалга оширди.













