"Борнмут" ҳужумкор ярим ҳимоячиси Антуан Семеньо "Манчестер Сити"га ишга жойлашишга яқин турибди. Бу ҳақда Sky Sports журналистлари хабар бермоқда.
Манбанинг маълум қилишича, футболчининг агентлари бугун, 29 декабрь куни музокараларнинг якуний босқичини ўтказиш учун Манчестерга келишади. 25 ёшли ганалик вингернинг трансфер нархи 65 миллион еврони ташкил этади. Футболчининг "Борнмут" билан меҳнат шартномаси 2030 йил июнь ойи охирида тугайди.
Англия премьер-лигасининг жорий мавсумида африкалик футболчи 17 та учрашувда иштирок этди. Семеньо ўз ҳисобига 9 та гол ва 3 та ассист ёздириб қўйди.
