"Bornmut" hujumkor yarim himoyachisi Antuan Semenyo "Manchester Siti"ga ishga joylashishga yaqin turibdi. Bu haqda Sky Sports jurnalistlari xabar bermoqda.
Manbaning ma’lum qilishicha, futbolchining agentlari bugun, 29 dekabr kuni muzokaralarning yakuniy bosqichini o‘tkazish uchun Manchesterga kelishadi. 25 yoshli ganalik vingerning transfer narxi 65 million yevroni tashkil etadi. Futbolchining "Bornmut" bilan mehnat shartnomasi 2030 yil iyun oyi oxirida tugaydi.
Angliya premyer-ligasining joriy mavsumida afrikalik futbolchi 17 ta uchrashuvda ishtirok etdi. Semenyo o‘z hisobiga 9 ta gol va 3 ta assist yozdirib qo‘ydi.
