Машҳур британиялик боксчи Энтони Жошуа Нигерияда содир бўлган йўл-транспорт ҳодисаси оқибатида енгил жароҳат олди. Мазкур ЙТҲ икки кишининг ҳаётига зомин бўлган. Бу ҳақда Daily Mail нашри маҳаллий оммавий ахборот воситаларига таяниб хабар берди.
Ҳодиса Лагос—Ибадан автомагистралида юз берган. Ичида боксчи бўлган Lexus русумли автомобиль йўл четида тўхтаб турган юк машинасига бориб урилган.
Маҳаллий ОАВ маълумотларига кўра, Жошуа автомобилнинг орқа ўриндиғида бўлган. Интернет тармоқларида воқеа жойидан олинган видеолар тарқалди. Уларда спортчи гангиб қолган, оғриқ сезаётгандек кўринган ва унга машинадан чиқишга ёрдам берилаётганини кўриш мумкин. Хабар қилинишича, боксчи енгил тан жароҳатлари билан шифохонага етказилган.
