"Челси" бош мураббийи Энцо Мареска Премьер-лига доирасидаги "Борнмут"га қарши ўйинидан нималар кутаётгани ҳақида гапирди.

"Бизга ғалаба керак. Йилни энг яхши тарзда якунлаш жуда муҳим. Албатта, бизни ҳар доимгидек мураккаб ўйин кутаётганини жуда яхши тушунамиз, аммо имкон қадар тезроқ ғалаба қозонишни бошлашимиз керак," - деди Мареска матбуот анжуманида.

"Челси" Англия чемпионатидаги сўнгги 6 ўйиндан фақат биттасида ғалаба қозонишга муваффақ бўлди. Лондонликлар 18-турдан кейин турнир жадвалида бешинчи ўринни эгаллаб турибди.