"Манчестер Юнайтед"нинг собиқ футболчиси Рой Кин "Челси" нега Алехандро Гарначони сотиб олганини тушунмаяпти.
Аргентиналик вингер август ойи охирида "МЮ"дан "аристократлар" сафига қўшилганди. Трансфер қиймати 45 млн евродан ошган.
"Ростини айтайлик, Гарначонинг Куньядан устунлик қиладиган ҳеч бўлмаса бир жиҳати борми? "Манчестер Юнайтед" уни [Гарначони] сотиб юборди ва дарҳол унинг ўрнига кучлироқ футболчини олиб келди. "Челси" мухлислари ўрнида бўлганимда менда жиддий саволлар пайдо бўларди. Сиз ўз амбицияларингизни эълон қиласиз, лекин рақобатчингизга кучлироқ бўлишига йўл қўясиз, ўзингиз эса ўртача даражадаги футболчи билан кифояланасизми? Телбалик," - дея Кин сўзларини келтиради The Touchline.
Алехандро Гарначо Энцо Мареска жамоаси сафида 19 та ўйинда 4 та гол ва 2 та голли узатмани амалга оширди.
