"Челси" бош мураббийи Жозе Моуриньо жамоаси ўйинини ҳужумчи Фернандо Торресга мослаб қуришини айтиб ўтди.
"Футболчи мағлубиятга сабаб бўлди, футболчи ёмон ўйнади ёки футболчи тайёрмас, деб айтишга осон. Аммо мен "Челси"нинг Торресга ёрдам бериб, унинг энг яхши сифатларини намоён этишини хоҳлайман.
Агар футболчини ўзига мос келмайдиган ўйинни кўрсатишни талаб қилсангиз - муаммолар келиб чиқади. Фернандо - тўпни оёқлари остида олиб юрадиган футболчи эмас, бу иш учун бизда бошқа футболчилар бор. У - майдон ичидаги футболчи, у доим ҳаракатда бўлиши керак бўлган ўйинчи, у ҳимоячиларни ортда қолдириб кетишни севади - шу ҳақиқий Фернандо. Агар биз унинг ўйинига мослашсак, ўйлайманки, муваффаққиятга эришамиз", - дейди Моуриньо.