Ҳужумчи Халк "Атлетико Минейро"ни тарк этиши мумкин.
Журналист Педро Алмейданинг маълум қилишича, ҳужумчини "Ботафого" ўз сафига қўшиб олмоқчи. "Атлетико Минейро" аллақачон 39 ёшли футболчининг трансфери бўйича музокаралар олиб бормоқда.
Халк 2021 йилда "Шанхай Порт"дан "Атлетико Минейро"га эркин агент сифатида ўтган. Унинг шартномаси 2026 йилнинг 31 декабрига қадар имзоланган. Жорий мавсумда форвард 61 та ўйинда майдонга тушиб, 21 та гол урди ва 8 та голли узатмани амалга оширди. Transfermarkt портали бразилияликни 1,2 миллион еврога баҳоламоқда.













