Франция суперкубогининг бу йилги учрашувида амалдаги чемпион сифатида «ПСЖ», кубок соҳиби сифатида «Бордо» жамоалари майдонга чиқишди.

Учрашувнинг биринчи бўлимидан кейин Лоран Бланнинг собиқ жамоаси ҳисобда олдинга чиқиб олганди. Бироқ иккинчи бўлимнинг сўнгги ўн дақиқасида Блан томонидан амалга оширилган ўзгаришлар натижа берди. Аввалига янги топилма Онженда, кейин эса Алекс томонидан киритилган голлар парижликларга учинчи бор суперкубок бош совринини қўлга киритди.

Бунга қадар пойтахт жамоаси 1995 ва 1998 йилларда Франция суперкубогини қўлга киритганди.

Франция Суперкубоги
ПСЖ – БОРДО 2:1 (0:1)
Голлар: Онженда (83), Алекс (90) – Севе (38).
ПСЖ: Сиригу, Жайе, Алекс, Силва, Максвелл, Пасторе (Онженда, 73), Матюиди, Лукас, Т. Мотта (Верратти, 71), Лавесси (Коман, 72), Ибраҳимович.
Бордо: Каррассо, Пундже, Мариано, Сане, Сертич, Бийого Поко, Обраньяк, Плашил (Жюсси, 90), Морис-Беле (Сако, 90), Севе (Бен Халфалла, 90), Нгемо.
Огоҳлантиришлар: Нгемо (45), Т. Мотта (46), Матюиди (79).